پاکستان سٹاک مارکیٹ میں آج بھی کاروبار کے دوران مثبت رجحان

پاکستان اسٹاک مارکیٹ میں تیزی کا سلسلہ برقرار ہے، جہاں کاروباری ہفتے کے آخری روز بھی سرمایہ کاروں نے بھرپور اعتماد کا اظہار کیا۔ ٹریڈنگ کے آغاز پر ہی مارکیٹ میں زبردست تیزی ریکارڈ کی گئی اور انڈیکس 1200 سے زائد پوائنٹس کے اضافے کے ساتھ ایک لاکھ 71 ہزار 263 کی تاریخی سطح پر پہنچ گیا۔ گزشتہ کاروباری روز مارکیٹ ایک لاکھ 69 ہزار 911 پوائنٹس پر بند ہوئی تھی۔

مقامی مارکیٹ کے برعکس ایشیائی اسٹاک مارکیٹس میں مندی کا رجحان غالب رہا۔ جاپان کا نکی انڈیکس ایک فیصد، جبکہ ہانگ کانگ کا ہینگ سینگ انڈیکس 1.38 فیصد تک گر گیا۔ اسی طرح تھائی لینڈ، چین کے شنگھائی کمپوزٹ اور انڈونیشیا کے جکارتہ کمپوزٹ انڈیکس میں بھی گراوٹ دیکھی گئی، جو عالمی معاشی دباؤ کی عکاسی کر رہے ہیں۔