پاکستان سٹاک مارکیٹ میں کاروبار کے دوران منفی رجحان

پاکستان اسٹاک ایکسچینج (PSX) میں کاروباری ہفتے کے تیسرے روز شدید مندی کا رجحان دیکھا جا رہا ہے، جہاں ہنڈرڈ انڈیکس 1000 سے زائد پوائنٹس کی بڑی گراوٹ کے ساتھ ایک لاکھ 67 ہزار 806 پوائنٹس کی سطح پر آگیا ہے۔ مارکیٹ میں یہ منفی تسلسل گزشتہ کاروباری دن سے جاری ہے جب انڈیکس 1590 پوائنٹس کی کمی کے ساتھ بند ہوا تھا۔ ایک طرف جہاں مقامی مارکیٹ دباؤ کا شکار ہے، وہیں دوسری جانب ایشیائی اسٹاک مارکیٹوں میں تیزی کا رجحان ریکارڈ کیا گیا ہے۔ جنوبی کوریا کے کوسپی انڈیکس میں 2.29 فیصد اور تھائی لینڈ کے سیٹ انڈیکس میں 2.13 فیصد اضافہ ہوا، جبکہ جاپان، ہانگ کانگ اور چین کی مارکیٹوں میں بھی معمولی سے لے کر واضح بہتری دیکھی گئی۔