مہنگائی کا نیا طوفان، پٹرول اور ڈیزل کی قیمت میں مسلسل پانچویں روز بھی اضافہ

وفاقی حکومت نے پٹرولیم مصنوعات کی قیمتوں میں تسلسل کے ساتھ مزید اضافے کا نیا نوٹیفکیشن جاری کر دیا ہے۔ پٹرولیم ڈویژن کی جانب سے جاری کردہ اعلامیے کے مطابق پٹرول کی قیمت میں 5 روپے 2 پیسے اور ہائی اسپیڈ ڈیزل کی قیمت میں 5 روپے 28 پیسے فی لٹر کا اضافہ کیا گیا ہے۔

حکومتی نوٹیفکیشن کے بعد پٹرول کی نئی قیمت 375 روپے 82 پیسے اور ڈیزل کی نئی قیمت 403 روپے 32 پیسے فی لٹر کی سطح پر پہنچ گئی ہے۔ پٹرولیم ڈویژن کے مطابق ان نئی قیمتوں کا اطلاق 12 ستمبر 2026ء سے اگلے تین دنوں کے لیے نافذ العمل ہوگا۔ یاد رہے کہ حکومت نے محض ایک روز قبل بھی پٹرول 3 روپے 5 پیسے اور ڈیزل 5 روپے 37 پیسے فی لٹر مہنگا کیا تھا، جس کے بعد مسلسل دوسرے روز قیمتوں میں اضافے نے عوام پر مہنگائی کا نیا بوجھ ڈال دیا ہے۔