روس میں پاکستانی سفارتخانے کی معرکہ حق کے متعلق خصوصی تقریب

روس میں متعین پاکستانی سفیر فیصل نیاز ترمذی نے معرکہ حق کی پہلی سالگرہ کی تقریب سے خطاب کرتے ہوئے اسے ملکی تاریخ کا درخشاں باب قرار دیا ہے۔ انہوں نے کہا کہ ایک سال قبل بھارتی جارحیت کے خلاف پاکستان کا ردعمل نہایت ذمہ دارانہ اور بین الاقوامی قوانین کے عین مطابق تھا، جس نے دنیا پر پاکستان کی عسکری و سیاسی قیادت کی بصیرت کو ثابت کر دیا۔ تقریب میں پاکستانی کمیونٹی، طلبہ اور کاروباری شخصیات نے شرکت کی اور ملکی سلامتی کے لیے افواجِ پاکستان کے پیشہ ورانہ عزم پر بھرپور اعتماد کا اظہار کیا۔ سفیر پاکستان نے اوورسیز پاکستانیوں کو ملک کا حقیقی سفیر قرار دیتے ہوئے ان کی حب الوطنی کو سراہا۔