نیپال میں سیلاب اور لینڈ سلائیڈنگ، پاکستان نے 100 ٹن امداد روانہ کردی

پاکستان نے نیپال میں تباہ کن سیلاب اور لینڈ سلائیڈنگ سے متاثرہ افراد کی امداد کے لیے 100 ٹن انسانی امدادی سامان پر مشتمل کھیپ روانہ کر دی ہے۔ دفترِ خارجہ کے مطابق یہ امدادی سامان نیشنل ڈیزاسٹر مینجمنٹ اتھارٹی (این ڈی ایم اے) کے تعاون سے ایک چارٹرڈ طیارے کے ذریعے اسلام آباد سے نيپال کے لیے روانہ کیا گیا۔ امدادی سامان میں خیمے، کمبل، چٹائیاں، حفظانِ صحت (ہائیجین) کٹس اور ضروری ادویات شامل ہیں۔ اسلام آباد انٹرنیشنل ایئرپورٹ پر سامان کی روانگی کے سلسلے میں منعقدہ تقریب میں پاکستان میں نیپال کے سفیر، وزارتِ خارجہ اور این ڈی ایم اے کے سینئر حکام نے شرکت کی۔ دفترِ خارجہ کا کہنا ہے کہ یہ امداد مشکل کی اس گھڑی میں نیپالی حکومت اور عوام کے ساتھ پاکستان کی جانب سے مکمل یکجہتی اور ہمدردی کا ثبوت ہے