سلطان عمان اور عباس عراقچی کی مسقط میں اہم ملاقات، خطے کی صورتحال پر مشاورت

سلطان عمان اور ایران کے وزیر خارجہ عباس عراقچی کے درمیان مسقط میں اہم ملاقات ہوئی جس میں خطے کی موجودہ صورتحال اور امن و استحکام سے متعلق امور پر تبادلہ خیال کیا گیا۔

میڈیا رپورٹس کے مطابق ملاقات کے دوران علاقائی پیش رفت، کشیدگی میں کمی اور سفارتی رابطوں کو مؤثر بنانے کے مختلف پہلوؤں پر تفصیلی گفتگو کی گئی۔

ذرائع کے مطابق دونوں رہنماؤں نے خطے میں امن کی بحالی کے لیے جاری کوششوں اور ثالثی عمل کو آگے بڑھانے کے امکانات پر بھی مشاورت کی۔

فریقین نے مذاکراتی عمل کو مضبوط بنانے اور باہمی رابطوں کے تسلسل پر زور دیا۔ ملاقات کو خطے میں جاری سفارتی سرگرمیوں کے تناظر میں اہم پیش رفت قرار دیا جا رہا ہے۔