کراچی: ڈیلیوری کے دوران گلے پر تیز دھار آلہ پھرنے سے نومولود جاں بحق

کراچی کے علاقے محمود آباد میں واقع ایک نجی ہسپتال میں ڈیلیوری کے دوران مبینہ غفلت کے نتیجے میں نومولود بچے کے جاں بحق ہونے کا انتہائی افسوسناک واقعہ پیش آیا ہے۔ متاثرہ خاندان کے مطابق بچے کے گلے پر تیز دھار آلے کے گہرے نشانات موجود تھے اور وہاں سے مسلسل خون بہہ رہا تھا۔ کالا پل کے رہائشی اور پیشے سے بس ڈرائیور امین اپنی اہلیہ کو ڈیلیوری کے لیے نجی ہسپتال لائے تھے، جہاں ہسپتال کے عملے نے بچے کی پیدائش کے بعد اہلخانہ کو اطلاع دی کہ بچہ مردہ پیدا ہوا ہے، تاہم میت کا معائنہ کرنے پر گلے پر کٹ کا نشان واضح طور پر دیکھا گیا۔