نیوزی لینڈ کی حکمران نیشنل پارٹی کی عوامی حمایت کم ہو کر 25.9 فیصد رہ گئی

نیوزی لینڈ کی حکمران نیشنل پارٹی کی عوامی مقبولیت شدید متاثر ہوئی ہے اور تازہ ترین پولز کے مطابق اس کی حمایت کم ہو کر 25.9 فیصد رہ گئی ہے، جو 2020ء کے انتخابات کے بعد اس کی کم ترین سطح ہے۔ 7 نومبر کو ہونے والے عام انتخابات سے محض ایک ماہ قبل سامنے آنے والے اس سروے نے وزیراعظم کرسٹوفر لکسون (Christopher Luxon) پر شدید سیاسی دباؤ بڑھا دیا ہے۔ اس کے برعکس اپوزیشن لیبر پارٹی 30.8 فیصد مقبولیت کے ساتھ پہلے نمبر پر آ گئی ہے، جبکہ گرین پارٹی نے 14.8 فیصد حمایت حاصل کی ہے۔

سروے کے مطابق چھوٹی سیاسی جماعت ‘آپرچیونٹی پارٹی’ (TOP) نے 5.5 فیصد ووٹ حاصل کیے ہیں، جو نیوزی لینڈ کی پارلیمان میں شمولیت کے لیے درکار 5 فیصد کی حد (Threshold) سے زیادہ ہے۔ اگر 7 نومبر کو یہی نتائج برقرار رہتے ہیں تو 120 نشستوں پر مشتمل نیوزی لینڈ کی پارلیمان میں کسی بھی بڑے سیاسی بلاک کو واضح اکثریت حاصل نہیں ہو سکے گی، جس سے آپرچیونٹی پارٹی کا کردار حکومت سازی میں انتہائی اہم ہو جائے گا۔ تاہم، وزیراعظم کرسٹوفر لکسون نے ٹیکس پالیسیوں پر شدید اختلافات کے باعث آپرچیونٹی پارٹی کے ساتھ ممکنہ اتحادی حکومت کے امکان کو پہلے ہی رد کر دیا ہے۔