ووٹر لسٹوں پر احتجاج، دہلی پولیس نے راہول اور پریانکا گاندھی کو حراست میں لے لیا

بھارت کے دارالحکومت نئی دہلی میں ووٹر لسٹوں میں مبینہ بے ضابطگیوں کے معاملے پر اپوزیشن جماعتوں نے شدید احتجاج کیا ہے، جس کے دوران کانگریس رہنماؤں نے نریندر مودی حکومت اور الیکشن کمیشن کے خلاف شدید نعرے بازی کی۔

بھارتی میڈیا کے مطابق اپوزیشن لیڈر راہول گاندھی اور کانگریس رہنما پریانکا گاندھی نے بھی مظاہرے میں شرکت کی، تاہم پولیس کی بھاری نفری نے انہیں جنتر منتر جانے سے روک دیا اور پورے علاقے کو گھیرے میں لے لیا۔ بعد ازاں پولیس نے کارروائی کرتے ہوئے راہول گاندھی کو حراست میں لے لیا۔ احتجاج کے دوران پریانکا گاندھی نے پولیس کے رویے کے خلاف سڑک پر لیٹ کر احتجاج کیا، جس کے باعث سیکیورٹی اہلکاروں کو پیشرفت میں شدید مشکلات کا سامنا کرنا پڑا۔