این سی سی آئی اے کا چھاپہ، 6 لاکھ شہریوں کے فنگرپرنٹس، بائیو میٹرک ڈیٹا برآمد

نیشنل سائبر کرائم انویسٹی گیشن ایجنسی (NCCIA) نے قومی اسمبلی کی قائمہ کمیٹی برائے داخلہ کے سامنے ایک سنسنی خیز انکشاف کرتے ہوئے بتایا ہے کہ ایک اہم کارروائی کے دوران ملزمان کے قبضے سے 6 لاکھ شہریوں کے بائیومیٹرک ڈیٹا اور فنگر پرنٹس کا ریکارڈ برآمد کر لیا گیا ہے۔ قائمہ کمیٹی کو بریفنگ دیتے ہوئے این سی سی آئی اے حکام نے بتایا کہ فیصل آباد اور دیگر مقامات پر کی گئی کارروائیوں کے دوران 195 ایکٹو سمز، 16 سمارٹ فونز اور مختلف بینکوں کے 81 اے ٹی ایم کارڈز برآمد کیے گئے، جنہیں چوری شدہ بائیومیٹرک ڈیٹا کی مدد سے شہریوں سے مالیاتی و سائبر فراڈ کے لیے استعمال کیا جا رہا تھا۔