ناظم آباد ہسپتال میں بچے کی پیدائش کے معاملہ کا ڈراپ سین، بڑا انکشاف

ناظم آباد ہسپتال میں بچے کی پیدائش کے تنازع کا ڈراپ سین ہو گیا ہے، جہاں پولیس تفتیش کے دوران خاتون کے حاملہ نہ ہونے کا سنسنی خیز انکشاف سامنے آیا ہے۔ پولیس کے مطابق 2024 میں شادی کے بعد مس کیریج کے باعث خاتون شدید گھریلو دباؤ کا شکار تھی، جس نے سچ چھپانے کے لیے فروری سے خود کو حاملہ ظاہر کیا اور جعلی الٹراساؤنڈ رپورٹس تیار کروائیں۔ تاہم، ہسپتال انتظامیہ نے بغیر کسی ضروری معائنے اور لیبارٹری ٹیسٹس کے خاتون کا آپریشن کر دیا جس سے انکشاف ہوا کہ پیٹ میں بچہ تھا ہی نہیں۔ ایس ایس پی ڈاکٹر عمران کے مطابق اگرچہ خاتون کا جھوٹ اپنی جگہ ہے لیکن بغیر تصدیق آپریشن کرنا ہسپتال انتظامیہ اور ڈاکٹرز کی سنگین غفلت کو ظاہر کرتا ہے۔ پولیس کا کہنا ہے کہ فیملی کی درخواست پر قانونی کارروائی کی جائے گی اور معاملہ سندھ ہیلتھ کیئر کمیشن کو بھیجا جائے گا۔