نواز شریف سے وزیراعظم آزاد کشمیر کی ملاقات، عوامی مسائل کے فوری حل پر زور

پاکستان مسلم لیگ (ن) کے صدر میاں نواز شریف اور وزیراعظم شہباز شریف سے آزاد کشمیر کے نومنتخب وزیراعظم افتخار گیلانی اور سپیکر طارق فاروق نے ملاقات کی۔ اس موقع پر وزیراعلیٰ پنجاب مریم نواز شریف بھی موجود تھیں، جہاں قیادت نے آزاد کشمیر کے نئے وزیراعظم اور سپیکر کو مبارکباد دی۔ ملاقات کے دوران نواز شریف نے آزاد کشمیر میں صحت، تعلیم، انفراسٹرکچر اور صفائی میں بہتری کے لیے 100 دنوں پر مشتمل اصلاحاتی منصوبہ وزیراعظم افتخار گیلانی کے ساتھ شیئر کیا اور انتخابی وعدوں پر تیزی سے عملدرآمد کی ہدایت کی۔ وزیراعظم شہباز شریف نے آزاد کشمیر حکومت کو وفاق کے مکمل تعاون، وسائل اور ترقیاتی منصوبوں کی بروقت تکمیل کی یقین دہانی کرواتے ہوئے نوجوانوں کے لیے روزگار اور معاشی مواقع بڑھانے پر زور دیا۔