جنگ کے آغازپرامریکاکی مددمیں سست روی کامظاہرہ کیاگیا، نیٹو کااعتراف

نیٹو کے سکریٹری جنرل مارک روٹ نے اعتراف کیا ہے کہ ایران جنگ کےآغاز پر امریکا کی مدد کرنے کے معاملے پر کچھ اتحادیوں نے سست روی کا مظاہرہ کیا۔ لیکن اس کی وجہ یہ ہو سکتی ہے کہ صدر ٹرمپ نے ایران پر حملے سے پہلے اتحادیوں کو آگاہ نہیں کیا تھا۔
مارک روٹ کا کہنا تھا کہ اس وقت بہت سے اتحادی امریکاکے ساتھ تعاون کر رہے ہیں۔اتحادی اس وقت وہ سب کچھ کر رہے ہیں، جس کا امریکا مطالبہ کر رہا ہے۔ وہ صدر ٹرمپ کی درخواست کو سن رہے ہیں اور اس پر ردِعمل دے رہے ہیں۔
اُن کا کہنا تھا کہ آبنائے ہرمز میں آزادانہ گزرگاہ کو یقینی بنانے کے لیے برطانیہ کی قیادت میں بننے والا اتحاد، نیٹو ممالک کی سوچ میں تبدیلی کا عکاس ہے۔
خیال رہے کہ امریکی صدر ڈونلڈ ٹرمپ ایران جنگ کے معاملے پر نیٹو اور یورپی اتحادیوں کو شدید تنقید کا نشانہ بناتے رہے ہیں۔