قائمہ کمیٹی پیٹرولیم کا اجلاس: قانون سازی میں عدم شرکت کے پارٹی فیصلے کے باعث جی آئی ڈی سی اور گیس سرچارج بل موخر

قائمہ کمیٹی برائے پیٹرولیم کا اہم اجلاس چیئرمین سید مصطفی محمود کی زیر صدارت منعقد ہوا، جس میں نیچرل گیس ڈویلپمنٹ سرچارج (تعدیل) بل اور گیس انفراسٹرکچر ڈویلپمنٹ سیس (GIDC) ترمیمی بل ایجنڈے پر شامل تھے۔ اجلاس کے دوران پاکستان پیپلز پارٹی کے سینیئر رہنما سید نوید قمر نے سخت موقف اختیار کرتے ہوئے ایجنڈے میں شامل تمام ترمیمی بلوں کو موخر کرنے کا مطالبہ کیا۔ نوید قمر نے واضح کیا کہ ان کی پارٹی نے فی الوقت کسی بھی قسم کی قانون سازی میں حصہ نہ لینے کا حتمی فیصلہ کیا ہے، جس پر چیئرمین کمیٹی سید مصطفی محمود نے دونوں مسودہ قانون کو فوری طور پر موخر کر دیا