LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار نظام کی اصلاح اور قومی فیصلوں کا اختیار عوام کا ہے: طارق فضل چوہدری سندھ کے شہری علاقوں کے عوام غلام نہیں: خالد مقبول صدیقی حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ میرے بھتیجے کو ناحق 60 سال سزا دی گئی، مہربانی کی جائے: شیخ رشید خیبرپختونخوا میں سکیورٹی فورسز کی کارروائیاں، فتنہ الخوارج کے 22 دہشتگرد ہلاک حوثی ملیشیا کا ریاض پر میزائل حملہ، سعودی اتحاد نے نقصان کی تصدیق کردی پاکستان اور مالدیپ کا تجارت کے فروغ کیلئے مشترکہ ورکنگ گروپ قائم کرنے پر اتفاق پاکستان شنگھائی تعاون تنظیم کے تہذیبی مکالمے میں شرکت کرے گا: دفتر خارجہ بھارت کا پانی کو بطور ہتھیار استعمال کرنا عالمی قانون کی خلاف ورزی ہے: پاکستان پاکستان سٹاک مارکیٹ میں کاروبار کے آغاز پر تیزی

قومی اسمبلی اجلاس؛ اپوزیشن رکن اقبال آفریدی کی رکنیت پورے بجٹ سیشن کے لیے معطل

Web Desk

11 June 2026

سلام آباد: قومی اسمبلی کے بجٹ اجلاس کے دوران اس وقت شدید ڈرامائی صورتحال پیدا ہو گئی جب سپیکر ایاز صادق نے بار بار کورم کی نشاندہی کرنے اور بلیو پاسپورٹ کے مبینہ غلط استعمال پر سخت برہمی کا اظہار کرتے ہوئے اپوزیشن (سنی اتحاد کونسل/پی ٹی آئی) کے رکنِ اسمبلی اقبال آفریدی کی رکنیت پورے بجٹ سیشن کے لیے معطل کر دی اور انہیں فوری طور پر ایوان سے باہر نکل جانے کا حکم دے دیا۔

اجلاس کے دوران مسلم لیگ (ن) کی خاتون رکن فرح ناز اکبر نے اپوزیشن ممبر اقبال آفریدی کی رکنیت معطل کرنے کی باقاعدہ تحریک ایوان میں پیش کی، جسے کثرتِ رائے سے منظور کر لیا گیا۔ تحریک کی منظوری کے بعد سپیکر نے رولنگ دی کہ اقبال آفریدی رواں بجٹ اجلاس کے باقی ماندہ سیشن کے لیے معطل رہیں گے اور اس دوران ان کا ایوان میں داخلہ بند ہوگا۔ مزید برآں، معطلی کے دوران انہیں کسی بھی قسم کی پارلیمانی مراعات (Privileges) بھی حاصل نہیں ہوں گی۔ سپیکر نے عملے کو سخت ہدایت جاری کی کہ اقبال آفریدی کو ایوان میں داخل نہ ہونے دیا جائے۔ایوان میں بحث کے دوران ایم کیو ایم کی رکن نگہت شکیل نے سنگین معاملہ اٹھاتے ہوئے کہا کہ “اقبال آفریدی نے اپنے بیٹے کو سرکاری (بلیو) پاسپورٹ پر سیاسی پناہ (Asylum) دلوائی ہے، اس پر ان کی رکنیت کیوں معطل نہیں کی جاتی؟” اس پر وزیرِ مملکت طلال چوہدری نے ایوان کو بتایا کہ بلیو پاسپورٹ کے معاملے کو لے کر باقاعدہ سرنڈر کیا گیا ہے۔ سپیکر قومی اسمبلی نے اس حساس معاملے کا نوٹس لیتے ہوئے بلیو پاسپورٹ کے غلط استعمال کے کیس کو مکمل تحقیقات کے لیے پارلیمانی کمیٹی کے سپرد کر دیا۔اپوزیشن کی جانب سے بجٹ اجلاس میں بار بار کورم کی نشاندہی کرنے پر سپیکر نے شدید برہمی کا اظہار کیا۔ انہوں نے براہِ راست اقبال آفریدی سے مخاطب ہو کر کہا کہ “آپ کورم کی بار بار نشاندہی کیوں کرتے ہو؟” اس کے ساتھ ہی سپیکر نے دیگر ارکان کو بھی سخت وارننگ جاری کی کہ:

“بجٹ اجلاس کے دوران اب جس کسی پارٹی کے رکن نے بھی کورم کی نشاندہی کی، میں بجٹ بحث میں اس پارٹی کا مختص کردہ ٹائم کم کر دوں گا۔” سخت جملوں کے تبادلے کے بعد سپیکر نے معطل رکن اقبال آفریدی کو فوری طور پر ایوان سے نکل جانے کا حکم دیتے ہوئے کہا، “آپ نکل جائیں، آپ کی عزت اسی میں ہے”۔ جس پر اقبال آفریدی خود ہی اپنی نشست سے اٹھے اور ایوان سے باہر چلے گئے۔