انتظامی اصلاحات اور صوبوں کی تشکیلِ نو دو بالکل مختلف معاملات ہیں: ناصر شاہ

وزیر بلدیات سندھ سید ناصر حسین شاہ نے وفاقی وزیر داخلہ محسن نقوی کے نئے صوبوں اور انتظامی اصلاحات سے متعلق بیان پر اپنا تفصیلی ردِعمل ظاہر کیا ہے۔ ناصر شاہ نے کہا کہ محسن نقوی سے بہتر حکمرانی، مؤثر نظام اور عوام کی سہولت کے لیے اصلاحات پر اتفاق کیا جا سکتا ہے، تاہم انتظامی اصلاحات کرنا اور ملک میں نئے صوبوں کی تشکیلِ نو دو بالکل مختلف امور ہیں۔ انہوں نے واضح کیا کہ صوبے صرف محض انتظامی یونٹ نہیں ہوتے بلکہ ان کی اپنی باقاعدہ تاریخ، ثقافت، زبان، جغرافیہ اور آئینی حیثیت ہوتی ہے۔