جاپان میں زلزلے کے جھٹکے، شدت 7.5 ریکارڈ، سونامی کا خطرہ

جاپان میں ایک بار پھر زمین لرز اٹھی، جہاں 7.5 شدت کے انتہائی شدید زلزلے نے ساحلی علاقوں میں سونامی کا بڑا خطرہ پیدا کر دیا ہے۔ جاپانی میٹرولوجیکل ایجنسی کے مطابق زلزلے کی گہرائی صرف 10 کلومیٹر تھی، جس کے باعث 3 میٹر (تقریباً 10 فٹ) بلند لہروں کی وارننگ جاری کی گئی ہے۔ زلزلے کے جھٹکے اتنے شدید تھے کہ شمالی جاپان کے ساتھ ساتھ امریکہ کے کچھ حصوں کے لیے بھی الرٹ جاری کرنا پڑا۔

جاپان کی جغرافیائی صورتحال ایسی ہے کہ یہ دنیا کے سب سے زیادہ زلزلہ زدہ خطوں میں شمار ہوتا ہے، جہاں عالمی سطح پر آنے والے بڑے زلزلوں کا 10 فیصد سے زائد حصہ ریکارڈ کیا جاتا ہے۔ حالیہ واقعہ دسمبر 2025 میں آنے والے 7.6 شدت کے زلزلے کی یاد تازہ کرتا ہے، تاہم 2011 کا 9.0 شدت کا زلزلہ اور اس کے نتیجے میں آنے والا تباہ کن سونامی آج بھی جاپانیوں کے ذہنوں میں تازہ ہے، جس نے 18 ہزار سے زائد جانیں لی تھیں۔