وزیراعلیٰ مریم نواز کا سرگودھا میں مزید 7 الیکٹرو بسیں مہیا کرنے کا اعلان

وزیراعلیٰ پنجاب مریم نواز شریف سے سرگودھا سے تعلق رکھنے والے رکنِ صوبائی اسمبلی کے ایک وفد نے اہم ملاقات کی، جس میں خطے میں جاری مفادِ عامہ کے منصوبوں، عوامی سفری سہولیات اور صحت کے شعبے میں جاری اصلاحات پر تفصیلی تبادلہ خیال کیا گیا۔ ملاقات کے دوران ارکانِ اسمبلی نے سرگودھا نواز شریف انسٹیٹیوٹ آف کارڈیالوجی کے قیام اور اسے ریکارڈ مدت میں مکمل کرنے پر وزیراعلیٰ کو خراجِ تحسین پیش کیا اور الیکٹرک بس سروس کے کامیاب آغاز پر شکریہ ادا کیا۔ اس موقع پر وزیراعلیٰ مریم نواز شریف نے عوامی ضرورت کو مدنظر رکھتے ہوئے سرگودھا کے لیے مزید 7 الیکٹرک بسیں فراہم کرنے کا بڑا اعلان کیا۔