کراچی میں ڈاکوؤں نے 2 دکانوں سے کروڑوں کا سونا اور رقم لوٹ لی

کراچی میں یونیورسٹی روڈ سمامہ موڑ کے قریب واقع جیولری مارکیٹ میں مسلح ڈاکوؤں نے بڑی ڈکیتی کی واردات کے دوران 2 دکانوں سے کروڑوں روپے کا سونا اور نقدی لوٹ لی۔ منظر عام پر آنے والی سی سی ٹی وی فوٹیج کے مطابق، ایک ملزم باہر پہرا دیتا رہا جبکہ 5 ملزمان مارکیٹ کے اندر داخل ہوئے اور لوٹ مار کی، اس دوران دکانداروں اور ڈاکوؤں کے درمیان ہاتھا پائی بھی ہوئی۔ واردات کے بعد ملزمان ہوائی فائرنگ کرتے ہوئے اور مال تھیلوں میں بھر کر باآسانی فرار ہو گئے۔ پولیس حکام کے مطابق یہ کسی منظم اور بڑے گینگ کی کارروائی ہے، اور سی سی ٹی وی فوٹیجز کی مدد سے ملزمان کی شناخت و گرفتاری کے لیے کارروائی کا آغاز کر دیا گیا ہے۔