میجر جنرل فیصل نصیر نیکٹا کے نیشنل کوآرڈینیٹر مقرر

وفاقی حکومت نے میجر جنرل فیصل نصیر (ہلالِ امتیاز ملٹری، تمغۂ بسالت) کو نیشنل کاؤنٹر ٹیررازم اتھارٹی (NACTA) کا نیا نیشنل کوآرڈینیٹر مقرر کر دیا ہے۔ وفاقی کابینہ اور حکومت کی منظوری کے بعد اسٹیبلشمنٹ ڈویژن نے ان کی تعیناتی کا باقاعدہ نوٹیفکیشن بھی جاری کر دیا ہے۔ میجر جنرل فیصل نصیر کی یہ تقرری نیکٹا ایکٹ 2013ء کے تحت کی گئی ہے اور ان کی مدتِ تعیناتی 3 سال مقرر کی گئی ہے۔ انہیں انسدادِ دہشت گردی، انٹیلی جنس اور نیشنل سکیورٹی سے متعلق آپریشنل امور کا وسیع تجربہ حاصل ہے۔