18 سال سے کم عمر لڑکی کی شادی غیر قانونی ہے: لاہور ہائیکورٹ

لاہور ہائیکورٹ نے کم عمر بچی کی شادی کے کیس پر اہم تحریری فیصلہ جاری کرتے ہوئے قرار دیا ہے کہ پنجاب چائلڈ میرج ریسٹرینٹ ایکٹ 2026ء کے تحت 18 سال سے کم عمر لڑکی کی شادی قانوناً غیر قانونی ہے۔ جسٹس منور اقبال دوگل نے شہری محمد اسلم کی درخواست پر سماعت کی، جس میں درخواست گزار نے اپنی 15 سالہ بیٹی حنا اسلم کی مبینہ کم عمری کی شادی کے نئے شواہد کی بنیاد پر پولیس کو کارروائی کا حکم دینے کی استدعا کی تھی۔ عدالت نے جسٹس آف پیس کی جانب سے مقدمہ درج کرنے کی درخواست خارج کرنے کا فیصلہ کالعدم قرار دیتے ہوئے پولیس کو قانونی تحقیقات کی ہدایت کی، جبکہ متاثرہ بچی حنا اسلم کو چائلڈ پروٹیکشن اینڈ ویلفیئر بیورو کے حوالے کرنے کا حکم دیا تا کہ اس کے تحفظ اور بہترین مفادات کو یقینی بنایا جا سکے۔