نو مئی جلاؤ گھیراؤ مقدمات، پی ٹی آئی رہنماؤں کی عبوری ضمانتوں میں توسیع
Web Desk
5 September 2026
لاہور: انسدادِ دہشت گردی عدالت (ATC) لاہور نے 9 مئی کے جلاؤ گھیراؤ اور توڑ پھوڑ سے متعلق مختلف مقدمات میں پی ٹی آئی رہنماؤں اور بانی پی ٹی آئی کی بہنوں کی عبوری ضمانت میں 6 اکتوبر تک توسیع کر دی ہے۔
انسدادِ دہشت گردی عدالت کے دو فاضل ججز نے 9 مئی کے پرتشدد واقعات کے کیسز کی سماعت کی۔ سماعت کے دوران سابق وفاقی وزراء اسد عمر، فواد چوہدری، اعظم سواتی اور مسرت جمشید چیمہ سمیت دیگر ملزمان عدالت میں پیش ہوئے، جبکہ بانی پی ٹی آئی کی بہنیں علیمہ خان اور عظمیٰ خان بھی عدالت کے سامنے حاضر ہوئیں۔
سماعت کے دوران عدالت نے ملزمان کی عبوری ضمانتوں میں توسیع کرتے ہوئے تمام وکلاء کو آئندہ سماعت پر حتمی دلائل پیش کرنے کی ہدایت کی، نیز پولیس اور متعلقہ حکام کو تمام کیسز کا مکمل ریکارڈ پیش کرنے کا حکم دیا۔ واضح رہے کہ مذکورہ ملزمان کے خلاف جناح ہاؤس (کور کمانڈر ہاؤس)، عسکری ٹاور، اور مسلم لیگ (ن) کے سیاسی دفاتر میں آگ لگانے سمیت 9 مئی کے دیگر پرتشدد واقعات کے تحت سنگین دفعات میں مقدمات درج ہیں۔
متعلقہ عنوانات
بشریٰ بی بی کو علاج کے لیے ہسپتال منتقل کرنے کی درخواست اسلام آباد ہائیکورٹ میں دائر؛ مکمل طبی ریکارڈ طلب
16 November 2026
کے پی میں 3 ایم پی او حراست اور گورنر راج کیس؛وفاقی آئینی عدالت میں فریق بننے کے لیے متفرق درخواستیں دائر کر دیں
16 November 2026
پشاور ہائیکورٹ کو ایمرجنسی اور ایم پی او کے علاوہ آرٹیکل 199 کے دیگر مقدمات سننے کی اجازت مل گئی
16 November 2026
کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار
16 November 2026
آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی
16 November 2026
13 سالہ لڑکی کا تشدد سے قتل کیس: پولیس افسر کی اہلیہ اور قاری کا جسمانی ریمانڈ منظور
16 November 2026
امیر تبلیغی جماعت حضرت مولانا نذرالرحمٰن انتقال کر گئے
16 November 2026
تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ
16 November 2026