سانحہ پمز خطرے کی گھنٹی ہے، کرپشن کا نیٹ ورک توڑنا ہوگا، خواجہ آصف

وفاقی وزیر دفاع خواجہ آصف نے اسلام آباد کے پریمئر ہسپتال پمز (PIMS) میں سامنے آنے والی بدانتظامی اور بے ضابطگیوں کو ملک کے پورے ہیلتھ سیکٹر کے لیے خطرے کی گھنٹی قرار دیا ہے۔ سیالکوٹ میں صنعتی ورکرز اور ان کی فیملیز کے لیے ایک جدید طبی سہولت کی افتتاحی تقریب سے خطاب کرتے ہوئے خواجہ آصف نے انکشاف کیا کہ صحت کے شعبے میں کرپشن کا ایک طاقتور اور منظم نیٹ ورک (Nexus) قائم ہے، جسے ختم کیے بغیر عوام کو معیارِ زندگی اور علاج معالجے کی بہتر سہولیات کی فراہمی ممکن نہیں ہے۔