کارونجھر کیس: وفاقی آئینی عدالت منتقلی پر سندھ حکومت کے وکیل کی معذرت

کارونجھر پہاڑ کی کٹائی سے متعلق کیس کی سماعت مقرر کردی گئی ہے، تاہم حکومتِ سندھ کو اس وقت قانونی مشکلات کا سامنا ہے جب ان کے وکیل بیرسٹر صلاح الدین احمد نے کیس میں پیش ہونے سے معذرت کرلی۔
بیرسٹر صلاح الدین احمد نے مؤقف اختیار کیا کہ کارونجھر پہاڑ کا کیس سپریم کورٹ سے وفاقی آئینی عدالت منتقل ہو چکا ہے، اور اس عدالت میں ججز کی تقرری کے معاملے پر مختلف بار ایسوسی ایشنز نے حکومتی کنٹرول پر اعتراضات اٹھائے ہیں۔ ان کا کہنا تھا کہ ایسی صورتحال میں ان کے لیے آئینی عدالت میں سندھ حکومت کی نمائندگی کرنا ممکن نہیں۔
انہوں نے مزید کہا کہ سندھ حکومت کیس کی پیروی کے لیے متبادل وکیل مقرر کرے اور انہیں دی گئی فیس کی واپسی کا طریقہ کار بھی بتایا جائے۔