کراچی: بین الصوبائی منشیات نیٹ ورک کی مبینہ سرغنہ انمول عرف پنکی گرفتار

کراچی پولیس نے گارڈن کے علاقے میں انٹیلی جنس بنیادوں پر ایک بڑی کارروائی کرتے ہوئے منشیات فروشی کے بین الصوبائی نیٹ ورک کی مبینہ سرغنہ انمول عرف پنکی کو گرفتار کر لیا ہے۔ پولیس اس گرفتاری کو شہر میں منشیات کی سپلائی لائن توڑنے کے حوالے سے ایک بڑی کامیابی قرار دے رہی ہے۔ترجمان پولیس کے مطابق ملزمہ طویل عرصے سے قانون نافذ کرنے والے اداروں کو مطلوب تھی اور 10 سے زائد سنگین مقدمات میں مفرور تھی۔ چھاپے کے دوران ملزمہ کے قبضے سےکروڑوں روپے مالیت کی اعلیٰ کوالٹی کوکین۔منشیات کی تیاری میں استعمال ہونے والے کیمیکلز۔غیر قانونی پستول اور گولیاں۔ ابتدائی تفتیش میں ملزمہ کے طریقہ واردات کے حوالے سے سنسنی خیز انکشافات سامنے آئے ہیں:ملزمہ انتہائی منظم انداز میں آن لائن آرڈرز کے ذریعے منشیات کی فروخت کر رہی تھی۔قانون نافذ کرنے والے اداروں سے بچنے کے لیے اس نے اپنے نیٹ ورک میں خواتین رائیڈرز کو شامل کر رکھا تھا تاکہ کسی کو شک نہ ہو۔ ترسیل کے لیے مخصوص رائیڈرز کا استعمال کیا جاتا تھا جو براہِ راست گاہکوں تک منشیات پہنچاتے تھے۔ گارڈن پولیس کا کہنا ہے کہ ملزمہ سے تفتیش کا دائرہ وسیع کر دیا گیا ہے تاکہ یہ معلوم کیا جا سکے کہ اتنی بھاری مقدار میں مہنگی منشیات اسے کہاں سے فراہم کی جا رہی تھیں۔ حکام کو توقع ہے کہ ملزمہ کی نشاندہی پر نیٹ ورک کے دیگر اہم کارندوں اور خریداروں تک رسائی حاصل کر لی جائے گی۔