کراچی ڈیفنس تشدد کیس: انکوائری رپورٹ میں ایس ایس پی فدا جانوری ذمہ دار قرار، مقدمہ درج کرنے اور معطلی کی سفارش

کراچی کے علاقے ڈیفنس میں شہریوں پر تشدد کے افسوسناک واقعے کی اعلیٰ سطحی انکوائری رپورٹ مکمل کر کے پولیس کے اعلیٰ حکام کو ارسال کر دی گئی ہے۔ انکوائری رپورٹ میں ایس ایس پی کورنگی فدا حسین جانوری کو معاملے میں انتظامی غفلت برتنے پر مرکزی طور پر ذمہ دار ٹھہراتے ہوئے ان کے خلاف سخت محکمانہ کارروائی اور مقدمہ درج کرنے کی باقاعدہ سفارش کی گئی ہے۔ اس کے علاوہ انکوائری کمیٹی نے ایس ایس پی کے رشتہ داروں (ساس، سالی اور سالے)، واقعے میں ملوث پولیس اہلکاروں اور پولیس افسران کے خلاف بھی سخت قانونی و انتظامی اقدامات کی پیشکش کی ہے۔