مقبوضہ بیت المقدس میں برطانوی قونصل خانہ مشن میں تبدیل

اسرائیلی حکومت کی جانب سے دی گئی مہلت ختم ہونے کے بعد مقبوضہ بیت المقدس (یروشلم) میں واقع تاریخی برطانوی قونصل خانے کو باضابطہ طور پر “برطانوی مشن” میں تبدیل کر دیا گیا ہے اور عمارت سے سابقہ سائن بورڈز ہٹا دیے گئے ہیں۔ یاد رہے کہ اسرائیل نے مغربی کنارے میں قائم اسرائیلی بستیوں پر برطانیہ کی جانب سے عائد کی جانے والی پابندیوں کے ردِعمل میں گزشتہ ماہ برطانوی قونصل خانہ بند کرنے کا حکم دیا تھا۔

برطانوی وزیرِ خارجہ ایڈ ملی بینڈ نے اسرائیلی اقدام کو مسترد کرتے ہوئے واضح کیا کہ اسرائیلی حکومت کے پاس مقبوضہ بیت المقدس میں برطانوی قونصلیٹ بند کروانے کا کوئی قانونی اختیار یا جواز نہیں ہے۔ انہوں نے اعلان کیا کہ سفارتی دفتر بند نہیں ہوگا بلکہ اب سے یہ “برطانوی مشن” کے طور پر فعال رہے گا۔ دوسری جانب اسرائیلی وزیرِ خارجہ نے دعویٰ کیا ہے کہ اس فیصلے کے بعد قونصل جنرل سمیت برطانیہ کے 20 سفارت کار اسرائیل چھوڑ کر واپس روانہ ہو جائیں گے۔