ملٹی نیشنل جاپانی کمپنی کا ’’میڈان پاکستان‘‘ آٹوپارٹس بنانے کا اعلان

پاکستان کی آٹو انڈسٹری کے لیے ایک بڑی اور مثبت پیشرفت سامنے آئی ہے جہاں ایک معروف ملٹی نیشنل جاپانی کمپنی نے ’’میڈ اِن پاکستان‘‘ آٹو پارٹس کی تیاری کو فروغ دینے کے لیے اپنی سرمایہ کاری میں مزید اضافے کا اعلان کیا ہے۔کمپنی کی جانب سے پاکستان اسٹاک ایکسچینج (PSX) کو ارسال کیے گئے مراسلے میں بتایا گیا ہے کہ مقامی سطح پر آٹو پارٹس کی تیاری کے جاری میگا پروجیکٹ کے لیے مزید 1 ارب روپے کی سرمایہ کاری کی منظوری دے دی گئی ہے۔ اس اضافے کے بعد منصوبے کی مجموعی مالیت 5 ارب 10 کروڑ روپے تک پہنچ گئی ہے۔ اس سے قبل اس پروجیکٹ کے لیے 4 ارب 10 کروڑ روپے مختص کیے گئے تھے۔یہ سرمایہ کاری جدید ترین مشینری، نئے پلانٹس کی تنصیب اور اعلیٰ معیار کے آلات کی فراہمی پر خرچ کی جائے گی۔ کمپنی نے اپنے مستقبل کے اہداف کے بارے میں درج ذیل تفصیلات فراہم کی ہیںموجودہ زیرِ تکمیل منصوبہ 2026 تک مکمل کر لیا جائے گا۔ایک نیا توسیعی منصوبہ 2027 تک پایۂ تکمیل کو پہنچے گا۔کمپنی کے مطابق اس اقدام کا بنیادی مقصد درآمدات پر انحصار کم کرنا ہے، جس سے قیمتی زرمبادلہ کی بچت ہوگی۔ اس کے علاوہ:

مقامی سطح پر اعلیٰ معیار کے پرزہ جات کی دستیابی ممکن ہوگی۔ملک میں روزگار کے سینکڑوں نئے مواقع پیدا ہوں گے۔پاکستان کی صنعتی خود کفالت (Industrial Self-reliance) کے سفر میں تیزی آئے گی۔