بھارت میں سیاحوں کی کشتی الٹنے سے بچوں سمیت 9 افراد ہلاک، 4 لاپتا

جبل پور میں برگھی ڈیم کے مقام پر 40 سے زائد سیاحوں کو لے جانے والی کشتی ڈوبنے سے بڑے پیمانے پر جانی نقصان ہوا ہے۔ ابتدائی تحقیقات اور نئی سامنے آنے والی ویڈیو سے انکشاف ہوا ہے کہ کشتی میں گنجائش سے زیادہ مسافر سوار تھے اور خراب موسم کے باوجود اسے روانگی کی اجازت دی گئی۔ ویڈیو میں دیکھا جا سکتا ہے کہ لائف جیکٹس مسافروں کو فراہم کرنے کے بجائے محفوظ طریقے سے بند رکھی گئی تھیں، جنہیں عملے نے اس وقت نکالنے کی کوشش کی جب پانی کشتی میں داخل ہو چکا تھا۔ حادثے کے بعد انتظامی تاخیر کے باوجود مقامی ماہی گیروں نے 15 سے زائد افراد کی جان بچائی، تاہم لاپتا افراد کی تلاش کے لیے سرچ آپریشن دوبارہ شروع کر دیا گیا ہے۔