واشنگٹن میں اسرائیل اور لبنان کے درمیان براہِ راست مذاکرات آج ہوں گے

اسرائیل اور لبنان کے درمیان براہِ راست مذاکرات آج واشنگٹن میں ہوں گے۔۔ جس میں اہم علاقائی اور سیکیورٹی امور پر بات چیت کی جائے گی۔۔ اطلاعات کے مطابق اسرائیلی وفد کی قیادت یخیل لیٹر کریں گے، جب کہ لبنانی وفد کی سربراہی ندا حماہ کریں گی۔ مذاکرات میں اسرائیل کی شمالی سرحد کی سیکیورٹی اور لبنان کی خودمختاری جیسے اہم نکات زیر بحث آئیں گے۔ امریکی حکام کا مؤقف ہے کہ اسرائیل کی جنگ لبنان سے نہیں بلکہ حزب اللہ سے ہے۔۔ ان مذاکرات کا مقصد جنوبی لبنان میں جاری اس تنازع کو ختم کرنا ہے، جہاں اسرائیل کے مطابق وہ حزب اللہ کے ٹھکانوں کو نشانہ بنا رہا ہے۔ ان حملوں کے نتیجے میں لاکھوں شہری اپنے گھروں سے نقل مکانی پر مجبور ہو چکے ہیں، جبکہ لبنان کی وزارت صحت کے مطابق اب تک دو ہزار سے زائد افراد جاں بحق اور ساڑھے چھ ہزار سے زیادہ زخمی ہو چکے ہیں۔۔ لبنان اور اسرائیل کے درمیان گیارہ اپریل کو امریکی ثالثی میں بات چیت سے قبل لبنان اور اسرائیل کے درمیان پہلا رابطہ ہوا۔۔ جس میں امریکا میں ملاقات کرنے پر اتفاق کیا گیا تھا۔