اسحاق ڈار کا سعودی وزیر خارجہ سے رابطہ، علاقائی صورتحال پر تبادلہ خیال

اسلام آباد: نائب وزیراعظم و وزیر خارجہ سینیٹر محمد اسحاق ڈار نے سعودی عرب کے وزیرِ خارجہ شہزادہ فیصل بن فرحان سے ٹیلی فونک رابطہ کیا، جس میں خطے کی مجموعی صورتحال اور باہمی تعاون پر تفصیلی بات چیت کی گئی۔

ترجمان دفترِ خارجہ کے مطابق دونوں وزرائے خارجہ نے علاقائی و عالمی پیش رفت، مشرقِ وسطیٰ کی صورتحال اور کثیرالجہتی فورمز پر باہمی دلچسپی کے امور پر تبادلۂ خیال کیا۔ گفتگو کے دوران اسرائیل کی جانب سے فلسطینیوں کی جبری بے دخلی سے متعلق بیانات کی مشترکہ مذمت کا اعادہ کیا گیا، جس میں پاکستان اور سعودی عرب سمیت 8 اسلامی ممالک نے یک زبان ہو کر اسرائیلی اقدامات کو عالمی قوانین کی خلاف ورزی قرار دیا ہے۔

ٹیلی فونک گفتگو میں مکہ دفاعی معاہدے کی اسٹریٹجک سیاسی و دفاعی کمیٹی کے استنبول اجلاس میں طے پانے والی اہم مفاہمتوں پر پیش رفت اور عملدرآمد کے طریقۂ کار کا بھی تفصیلی جائزہ لیا گیا۔ دونوں وزراء نے پاک سعودی اسٹریٹجک شراکت داری کو مزید مضبوط بنانے اور تمام اہم امور پر قریبی رابطہ برقرار رکھنے کے عزم کا اعادہ کیا۔