اسحاق ڈار کا ناروے کے ہم منصب ایسپن بارتھ ایدے سے ٹیلی فونک رابطہ

اسلام آباد: نائب وزیراعظم و وزیر خارجہ سینیٹر محمد اسحاق ڈار نے ناروے کے وزیر خارجہ ایسپن بارتھ ایدے سے ٹیلی فونک رابطہ کر کے شاہِ ناروے ہیرالڈ پنجم کے انتقال پر پاکستان کی حکومت اور عوام کی جانب سے دلی تعزیت کا اظہار کیا ہے۔

دفترِ خارجہ کے ترجمان کے مطابق اسحاق ڈار نے صدرِ مملکت، وزیراعظم، فیلڈ مارشل اور پاکستانی قوم کی طرف سے شاہی خاندان اور ناروے کے عوام کے ساتھ گہرے دکھ اور ہمدردی کا اظہار کیا۔ نائب وزیراعظم نے نارویجن ہم منصب کو بتایا کہ وزیراعظم شہباز شریف نے وفاقی وزیرِ مواصلات عبدالعلیم خان کو 9 ستمبر کو اوسلو میں ادا کی جانے والی شاہ ہیرالڈ پنجم کی آخری رسومات میں پاکستان کی نمائندگی کے لیے نامزد کیا ہے۔

شاہِ ناروے ہیرالڈ پنجم 89 برس کی عمر میں انتقال کر گئے تھے اور ان کی سرکاری آخری رسومات اوسلو میں ادا کی جائیں گی۔ گفتگو کے دوران دونوں وزراء نے پاکستان اور ناروے کے درمیان دوطرفہ روابط اور تعاون کو برقرار رکھنے پر اتفاق کیا اور نیویارک میں اقوامِ متحدہ کی جنرل اسمبلی کے اجلاس کے حاشیے پر تفصیلی ملاقات کی خواہش کا اظہار بھی کیا۔