نائب وزیراعظم سے افغانستان میں پاکستان کے سفیر کی ملاقات، علاقائی صورتحال پر گفتگو

نائب وزیراعظم اور وزیرِ خارجہ اسحاق ڈار سے افغانستان میں پاکستان کے سفیر عبید الرحمان نظامانی نے ملاقات کی، جس میں علاقائی اور سرحدی سیکیورٹی صورتحال کا تفصیلی جائزہ لیا گیا۔ ملاقات کے دوران خطے میں بدلتی ہوئی سیکیورٹی صورتحال، پاک افغان دوطرفہ تعلقات اور پاکستان سے متعلق دیگر اہم سفارتی و دفاعی امور پر تبادلہ خیال کیا گیا۔ اسحاق ڈار نے افغانستان کی موجودہ صورتحال اور خطے کی بدلتی ہوئی جیو پولیٹیکل صورتحال پر مسلسل اور قریبی نظر رکھنے کی اہمیت پر زور دیا تاکہ ملکی سلامتی اور علاقائی ثبات کو یقینی بنایا جا سکے۔