اسحاق ڈار کا نومنتخب او آئی سی سیکریٹری جنرل سے رابطہ، عہدے سنبھالنے پر مبارکباد

نائب وزیراعظم اور وزیرِ خارجہ اسحاق ڈار نے اسلامی تعاون تنظیم (OIC) کے نومنتخب سیکریٹری جنرل اسماعیل ولد شیخ احمد سے ٹیلی فونک رابطہ کر کے انہیں مسند سنبھالنے پر دلی مبارکباد پیش کی۔ ترجمان دفترِ خارجہ کے مطابق گفتگو کے دوران نائب وزیراعظم نے واضح کیا کہ پاکستان او آئی سی کو خوصصی اہمیت دیتا ہے اور امید ظاہر کی کہ نئے سیکریٹری جنرل مسلم امہ کے حقوق کے تحفظ میں فعال کردار ادا کریں گے۔ انہوں نے مسئلہ فلسطین اور تنازعِ جموں و کشمیر کے حل کے لیے او آئی سی کے کلیدی کردار پر زور دیا۔

نومنتخب سیکریٹری جنرل اسماعیل ولد شیخ احمد نے حمایت پر پاکستان کا شکریہ ادا کرتے ہوئے ایران تنازع کے خاتمے کے لیے وزیراعظم شہباز شریف، نائب وزیراعظم اسحاق ڈار اور فیلڈ مارشل عاصم منیر کی امن کوششوں کو سراہا۔ انہوں نے پاکستان، سعودی عرب اور ترکیہ کے درمیان طے پانے والے تاریخی ‘مکہ مشترکہ دفاعی معاہدے’ کو علاقائی سلامتی کے لیے اہم پیش رفت قرار دیتے ہوئے مبارکباد دی، جبکہ دونوں رہنماؤں نے تنظیم کو مضبوط بنانے اور جلد بالمشافہ ملاقات پر اتفاق کیا۔