اسحاق ڈار کی زیر صدارت اجلاس، حالیہ سفارتی سرگرمیوں اور آئندہ ترجیحات کا جائزہ

نائب وزیراعظم و وزیر خارجہ سینیٹر محمد اسحاق ڈار کی زیر صدارت وزارتِ خارجہ میں ایک اعلیٰ سطحی جائزہ اجلاس منعقد ہوا، جس میں پاکستان کی حالیہ بین الاقوامی سفارتی سرگرمیوں اور دوطرفہ تعلقات کے خدوخال کا تفصیلی جائزہ لیا گیا۔ اجلاس کے دوران نائب وزیراعظم کے حالیہ غیر ملکی دوروں کے دوران مختلف ممالک کے ساتھ طے پانے والی یادداشتوں (MoUs) اور معاہدوں پر عملدرآمد کی رفتار پر تبادلہ خیال کیا گیا۔ اسحاق ڈار نے تمام متعلقہ سفارتی حکام کو ہدایت کی کہ طے شدہ معاہدوں کے ٹھوس نتائج حاصل کرنے کے لیے مؤثر رابطہ کاری اور وقت پر فالو اپ کو ہر صورت یقینی بنایا جائے۔