اسحاق ڈار کا ایرانی ہم منصب سے رابطہ: لبنان میں اسرائیلی خلاف ورزیوں پر اظہار تشویش
Web Desk
19 June 2026
اسلام آباد: نائب وزیراعظم اور وزیر خارجہ سینیٹر اسحاق ڈار نے جمعے کی شام ایرانی وزیر خارجہ عباس عراقچی سے ٹیلی فون پر رابطہ کیا اور انہیں امریکہ اور ایران کے درمیان تاریخی ’اسلام آباد مفاہمتی یادداشت‘ پر دستخط ہونے پر ایرانی قیادت، حکومت اور عوام کو مبارکباد پیش کی۔ ترجمان دفتر خارجہ کے مطابق، اسحاق ڈار نے مذاکرات کے اگلے مرحلے کے آغاز کے لیے نیک خواہشات کا اظہار کرتے ہوئے امید ظاہر کی کہ یہ عمل خوش اسلوبی سے آگے بڑھے گا اور اس کے مثبت نتائج برآمد ہوں گے۔ جواب میں ایرانی وزیر خارجہ عباس عراقچی نے پاکستان کی تعمیری اور مسلسل سفارتی ثالثی کی کوششوں کو سراہتے ہوئے پاکستان کا شکریہ ادا کیا۔
گفتگو کے دوران دونوں رہنماؤں نے علاقائی صورتحال پر تفصیلی تبادلہ خیال کیا اور لبنان میں اسرائیل کی جانب سے جنگ بندی کی مبینہ خلاف ورزیوں پر گہری تشویش کا اظہار کیا۔ ایرانی وزیر خارجہ نے 30 ایرانی شہریوں کی وطن واپسی میں پاکستان کے تعاون پر نائب وزیراعظم کا خصوصی شکریہ ادا کیا۔ ان شہریوں میں برطانیہ کی جانب سے سمندر میں ریسکیو کیے گئے 8 ایرانی ماہی گیر اور امریکہ کی جانب سے حال ہی میں تحویل میں لیے گئے عملے کے 22 ارکان شامل ہیں، جن کی پاکستان کے ذریعے وطن واپسی کے انتظامات جاری ہیں۔ دونوں رہنماؤں نے مستقبل میں بھی باہمی رابطوں، قریبی مشاورت کے تسلسل اور قریبی تعلقات کو برقرار رکھنے کے عزم کا اعادہ کیا۔
متعلقہ عنوانات
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بچوں کے استحصال میں ملوث افراد کیلئے نیا ایکٹ لائیں گے: مریم نواز
18 November 2026
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026