ٹرمپ ایران کے ساتھ جنگ سے سبق سیکھ کر شرائط قبول کریں: ایرانی پاسداران انقلاب

ایرانی پاسدارانِ انقلاب (IRGC) کے ترجمان بریگیڈیئر جنرل حسین محبی نے ایک بیان میں کہا ہے کہ امریکی صدر ڈونلڈ ٹرمپ کو ایران کے ساتھ معرکے سے سبق سیکھتے ہوئے تہران کی تمام شرائط قبول کر لینی چاہئیں۔ ترجمان کا کہنا تھا کہ ایران کے خلاف جاری اقدامات میں امریکی صدر اپنے مقاصد حاصل کرنے میں ناکام رہے ہیں، جبکہ اس دوران امریکا کو شدید معاشی اور سیاسی مشكلات کا سامنا کرنا پڑا ہے۔

انہوں نے مزید تنقید کرتے ہوئے کہا کہ امریکی حکومت کی ترجیح اپنے عوام کے مفادات نہیں بلکہ اسرائیل ہے۔ ڈونلڈ ٹرمپ نے الیکشن کے دوران ’امریکا فرسٹ‘ (America First) کا نعرہ لگایا تھا، لیکن عملی طور پر آج امریکی پالیسیوں میں اسرائیل کو ترجیح دی جا رہی ہے۔ بریگیڈیئر جنرل حسین محبی نے واضح کیا کہ پینٹاگون کا دفاعی بجٹ خطے کے دیگر ممالک کے مقابلے میں کہیں زیادہ ہونے کے باوجود امریکی افواج کو محدود وسائل رکھنے والی باہمی قوتوں کے سامنے مشکلات پیش آ رہی ہیں۔