مکمل الرٹ ہیں، آبنائے ہرمزپر برتری برقرار رکھی جائے گی، ایرانی فوج

ایرانی خبر رساں ادارے تسنیم کے مطابق ایرانی مسلح افواج کے خاتم الانبیا ﷺ مرکزی ہیڈکوارٹر نے ایک بیان میں کہا ہے کہ امریکی اور صہیونی دشمنوں کی ماضی کی وعدہ خلافیوں کے باعث ایران کی مسلح افواج مکمل الرٹ ہیں اور ہر وقت کارروائی کے لیے تیار ہیں۔

بیان میں کہا گیا کہ جارح قوتوں کو ہرگز نہیں چھوڑا جائے گا، آبنائے ہرمز کے انتظام کو ایک نئے مرحلے میں داخل کیا جائے گا اور اس اہم آبی گزرگاہ پر اپنی برتری برقرار رکھی جائے گی۔

بیان میں خبردار کیا گیا کہ اگر دشمن کی جانب سے حزب اللہ اور لبنان کے عوام خصوصاً ضاحیہ پر حملے جاری رہے تو ایران شدید اور تکلیف دہ ردعمل دے گا۔