یو اے ای پرایران کے میزائل و ڈرون حملے، دبئی اورشارجہ ایئرپورٹ پرفلائٹ آپریشن معطل

متحدہ عرب امارات نے دعویٰ کیاہے کہ ایران کی جانب سے یواے ای پر میزائل اور ڈورن حملے کیے گئے ہیں۔۔حملوں کے بعد دبئی اور شارجہ ایئرپورٹ پرآپریشن عارضی طورپر معطل کردیاگیاجبکہ ڈرون حملے میں  فجیرہ میں پیٹرولیم انڈسٹریل سائٹ پر آگ بھڑک اٹھی۔

متحدہ عرب امارات کی وزارتِ دفاع کے مطابق ایران کی جانب سے یو اے ای پر چار میزائل داغے گئے، تاہم اماراتی فضائی دفاعی نظام نے بروقت کارروائی کرتے ہوئے حملے کو کامیابی سے ناکام بنا دیا۔

غیر ملکی خبر رساں ادارے کے مطابق ایران سے داغے گئے تین میزائلوں کو راستے میں ہی تباہ کر دیا گیا، جبکہ چوتھا میزائل سمندر میں گر کر ناکارہ ہو گیا۔

وزارتِ دفاع کا کہنا ہے کہ میزائلوں کا ہدف ابوظہبی کی اہم تنصیبات تھیں، تاہم کسی بڑے نقصان کی اطلاع نہیں ملی، حکام کے مطابق ملک کی فضائیہ اور میزائل دفاعی نظام کو ہائی الرٹ کر دیا گیا ہے اور سرزمین و عوام کے تحفظ کے لیے ہر ممکن اقدامات کیے جا رہے ہیں۔

دوسری جانب ایرانی ڈرون حملے کے بعد فجیرہ میں واقع پیٹرولیم انڈسٹریل سائٹ پر آگ بھڑک اٹھی۔

صورتحال کے پیش نظردبئی اور شارجہ ایئرپورٹس پر فلائٹ آپریشن عارضی طور پرمعطل کر دیا گیا ہے جبکہ سیکیورٹی ادارے الرٹ ہیں۔

متحدہ عرب امارات میں امریکا اور ایرن جنگ بندی کے بعد پہلی بار میزائل خطرے کا ہنگامی الرٹ جاری کیا گیاتھا تاہم کچھ ہی دیر بعد دوسرا پیغام جاری کرتے ہوئے صورتحال کو ’محفوظ‘ قرار دیاگیا اور شہریوں کو معمولات زندگی بحال کرنے کی اجازت دے دی گئی۔