ایران کا آبنائےہرمزمیں امریکی جہازپرمیزائل حملے کادعویٰ، امریکی سینٹکام نے تردیدکردی

ایران نے آبنائےہرمز میں وارننگ نظراندازکرنے والے امریکی جہاز پر میزائلوں سے حملے کا دعویٰ کیاہے جبکہ امریکی سینٹرل کمانڈ نے ایسے کسی واقعے کی تردید کی ہے۔

ایرانی خبرایجنسی کے مطابق آبنائے ہرمز میں ایرانی وارننگ نظر اندازکرنے والے امریکی جہاز کو دو میزائلوں سے  نشانہ بنایا گیاہے۔

خبرایجنسی کاکہناہے کہ حملوں کے بعد امریکی جہاز نے اپنا سفر روک دیا اور پسپائی اختیار کرنے اور علاقے سے بھاگنے پر مجبور ہوگیا ہے۔ایران نے اعلان کیا تھاکہ آبنائے ہرمز سےکوئی بھی بغیر اجازت نہیں گزر سکتا، ایران کا کہنا ہے کہ ہدایات نظراندازکرنے والے کو فوج فیصلہ کن جواب دے گی۔

ادھر امریکی فوج کی سینٹرل کمانڈ نے ایرانی دعوے کی تردید کرتے ہوئے کہا ہے کہ آبنائے ہرمز میں کسی امریکی جنگی جہاز پر میزائل نہیں لگا۔