مکہ معاہدہ: سٹریٹجک سیاسی و دفاعی کمیٹی کا افتتاحی اجلاس پیر کو استنبول میں ہو گا

مکہ مشترکہ دفاعی معاہدے (مکہ معاہدہ) کے تحت قائم کی گئی سٹریٹجک سیاسی و دفاعی کمیٹی کا افتتاحی اجلاس پیر کو استنبول میں منعقد ہوگا۔ ترجمان دفترِ خارجہ کے مطابق، اس اہم اجلاس میں پاکستان کی نمائندگی نائب وزیراعظم و وزیرِ خارجہ سینیٹر محمد اسحاق ڈار، وفاقی وزیرِ دفاع خواجہ محمد آصف اور فیلڈ مارشل و چیف آف ڈیفنس فورسز سید عاصم منیر کریں گے۔ اجلاس میں ترکیہ اور سعودی عرب کے وزرائے خارجہ، وزرائے دفاع اور چیفس آف جنرل اسٹاف بھی شرکت کر رہے ہیں۔ وزارتِ خارجہ کا کہنا ہے کہ اجلاس میں پاکستان کی شرکت ترکیہ اور سعودی عرب کے ساتھ تاریخی دوستانہ تعلقات اور خطے میں پائیدار امن و استحکام کی عکاسی کرتی ہے۔