آئی سی سی نے 4 سینئر طالبان رہنماؤں کے وارنٹ گرفتاری ‘پبلک’ کر دیئے

انٹرنیشنل کرمنل کورٹ (آئی سی سی) نے افغانستان سے متعلق چار سینئر طالبان رہنماؤں کے وارنٹ گرفتاری سے سیل ہٹا کر انہیں پبلک کر دیا ہے۔ پبلک کیے جانے والے وارنٹس میں ہبت اللہ اخونزادہ، عبدالحکیم حقانی، حبیب اللہ آغا اور ندا محمد ندیم شامل ہیں، جن پر انسانیت کے خلاف صنفی اور سیاسی بنیادوں پر ظلم و ستم کے الزامات عائد ہیں۔ آئی سی سی کے مطابق یہ وارنٹ افغان خواتین اور لڑکیوں کو تعلیم، نقل و حرکت اور دیگر بنیادی حقوق سے منظم طور پر محروم کرنے، قتل، تشدد اور جبری گمشدگیوں کے پے در پے شواہد کی بنیاد پر جاری کیے گئے ہیں، اور اس اقدام کا مقصد مزید جرائم کو روکنا اور عالمی تعاون کو فروغ دینا ہے