کشیدگی کے باوجود آبنائے ہرمز سے مزید دو خالی تیل بردار جہاز گزر گئے

مشرق وسطیٰ میں بڑھتی ہوئی کشیدگی کے باوجود آبنائے ہرمز سے مزید دو خالی تیل بردار جہازوں کا گزرنا سامنے آیا ہے، جو خطے کی صورتحال پر گہری نظر رکھنے والوں کیلئے اہم پیش رفت قرار دی جا رہی ہے۔

میڈیا رپورٹس کے مطابق ایک جہاز جرمن کمپنی کے تحت چلایا جا رہا تھا جس کا نام “ٹیما ایکسپریس” ہے، جبکہ دوسرا جہاز “ایل بی انرجی” پاناما کے جھنڈے کے ساتھ سفر کر رہا تھا۔

ادھر امریکی بحری قوت خطے میں بدستور سرگرم ہے، جہاں انیس جنگی جہاز تعینات ہیں، جن میں سات بحر ہند میں موجود ہیں جبکہ دو طیارہ بردار جہاز بھی شامل ہیں۔

امریکی حکام کا کہنا ہے کہ تیرہ اپریل سے جاری بحری ناکہ بندی کے دوران اب تک تینتیس جہازوں کو واپس لوٹایا جا چکا ہے، جبکہ تین جہازوں کی تلاشی لی گئی، جن میں سے دو کی تلاشی بحر ہند میں خلیج فارس سے دور فاصلے پر انجام دی گئی۔