حسن خیل میں فیڈرل کانسٹیبلری کے 6 اہلکار مادرِ وطن پر قربان
Web Desk
10 June 2026
خیبر پختونخوا: خیبر پختونخوا کے علاقے حسن خیل میں فتنہ الخوارج کے دہشتگردوں کی جانب سے فیڈرل کانسٹیبلری (FC) کی پوسٹ پر کیا گیا بزدلانہ حملہ ناکام بنا دیا گیا ہے۔ سکیورٹی فورسز کی بھرپور اور فوری جوابی کارروائی میں 8 خوارجی دہشتگرد جہنم واصل کر دیے گئے، جبکہ فرنٹ ائیر کانسٹیبلری کے 6 بہادر جوان دلیری سے لڑتے ہوئے مادرِ وطن پر قربان ہو گئے۔ شہید ہونے والے اہلکاروں میں نائیک عامر، لانس نائیک محمد یوسف، لانس نائیک محمد ریاض، سپاہی اجمیر، سپاہی احسان اور سپاہی ریاض شامل ہیں۔
شہدائے وطن کی نمازِ جنازہ سرکاری اعزاز کے ساتھ ادا کر دی گئی، جس میں وفاقی وزیرِ داخلہ محسن نقوی، وزیرِ مملکت طلال چوہدری اور اعلیٰ سویلین و پولیس افسران نے شرکت کی۔ اس موقع پر شہداء کے لواحقین سے گہرے دکھ اور ہمدردی کا اظہار کرتے ہوئے وزیرِ داخلہ محسن نقوی نے کہا کہ بہادر سپوتوں کی یہ عظیم قربانیاں کبھی رائیگاں نہیں جائیں گی اور قوم ان کے خاندانوں کو کبھی تنہا نہیں چھوڑے گی۔ وزیرِ مملکت طلال چوہدری کا کہنا تھا کہ دہشت گردی کے اس ناسور کے خلاف پوری پاکستانی قوم متحد اور یکسو ہے۔
ذرائع اور دفاعی ماہرین کے مطابق، یہ حملہ ایک ایسے وقت میں کیا گیا ہے جب پاکستان مسلسل افغان عبوری حکومت سے اپنی سرزمین پاکستان کے خلاف استعمال ہونے سے روکنے کا مطالبہ کر رہا ہے۔ یہ واقعہ اس بات کا واضح ثبوت ہے کہ فتنہ الخوارج (ٹی ٹی پی) اور دیگر برانڈڈ تنظیموں کے محفوظ ٹھکانے اور سہولت کار اب بھی افغانستان میں موجود ہیں، جس کی طرف اسلام آباد متعدد بار افغان حکام کو متوجہ کر چکا ہے۔ سکیورٹی فورسز نے اس حملے کو جرات سے ناکام بنا کر واضح پیغام دیا ہے کہ پاکستان اپنی بقا کی جنگ میں پرعزم ہے اور “آپریشن غضب للحق” سرحد پار موجود آخری دہشتگرد کے خاتمے تک پوری قوت سے جاری رہے گا۔
متعلقہ عنوانات
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026
عدالت کا 15 روز میں نادرا ای بیلٹنگ کا عمل مکمل کرنے کا حکم
19 November 2026
چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد
19 November 2026
پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار
19 November 2026
نظام کی اصلاح اور قومی فیصلوں کا اختیار عوام کا ہے: طارق فضل چوہدری
19 November 2026
سندھ کے شہری علاقوں کے عوام غلام نہیں: خالد مقبول صدیقی
19 November 2026
راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا
19 November 2026
معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ
19 November 2026