ظلم کے نظام کو بدلنا اور حکمرانوں کو ہٹانا ہو گا: حافظ نعیم الرحمان

امیر جماعت اسلامی حافظ نعیم الرحمان نے راولپنڈی کے تاریخی لیاقت باغ میں جلسہ عام سے خطاب کرتے ہوئے کہا ہے کہ موجودہ حکمران عوام کو ریلیف دینے میں مکمل ناکام ہو چکے ہیں اور ملک میں قائم ظلم و مافیا پر مبنی نظام کو تبدیل کرنا ہو گا۔ انہوں نے کہا کہ بجلی، پٹرول بم اور مہنگائی کا تحفہ دینے والے حکمران فارم 47 کے ذریعے اقتدار میں آئے ہیں۔ حافظ نعیم الرحمان نے خبردار کیا کہ جماعت اسلامی پرامن جدوجہد پر یقین رکھتی ہے اور اس کا کوئی ذاتی ایجنڈا نہیں، تاہم اگر حکومت نے عوام کے مسائل حل نہ کیے اور لیوی کا خاتمہ کر کے روٹی و بجلی سستی نہ کی، تو اسلام آباد کی طرف لانگ مارچ کی کال دی جائے گی جس کے بعد حکمرانوں کے لیے حالات سنبھالنا ناممکن ہو جائے گا۔