وفاقی کابینہ کا اجلاس، گندم کی خریدوفروخت کے مسائل حل کرنےکے لیےکمیٹی تشکیل

وزیراعظم محمد شہباز شریف کی زیر صدارت وفاقی کابینہ کا اجلاس ہوا۔وفاقی کابینہ نے ملک بھر میں گندم کی خریدو فرخت  کے حوالے سے درپیش مسائل کا نوٹس لیتے ہوئے معاملے پر کابینہ کمیٹی تشکیل دے دی.

وفاقی کابینہ کو وزارت مذہبی امور و بین المذاہب ہم آہنگی کی جانب سے حج پالیسی کی جانچ  کے حوالےسے بنائی گئی کابینہ کمیٹی کی سفارشات پیش کی گئیں،وفاقی کابینہ نے ہدایت دی کہ وزارت مذہبی امور اور پرائیوٹ حج آپریٹرز کے احتساب کا نظام وضع کیا جائے تاکہ حجاج کرام کے حقوق کا تحفظ کیا جاسکے۔

وفاقی کابینہ نے وزارت داخلہ و انسداد منشیات کی سفارش پر  فراش ٹاؤن، اسلام آباد میں اسلام آباد کی کچی آبادیوں کے مکینوں کے لیےکم قیمت ہاؤسنگ منصوبہ کی تعمیر و ترقی وفاقی ترقیاتی ادارے کے سپرد کرنے کی منظوری دے دی۔

وفاقی کابینہ نے پاکستان کسٹمز کے انسپکٹر کسٹمز، انٹیلیجنس افسر، پریوینٹو افسر، اپریزنگ افسر اور ویلیو ایشن افسر کی محکمانہ ترقی کے امتحانات فیڈرل پبلک سروس کمیشن کے ذریعے کروانے کی منظوری دے دی

وفاقی کابینہ نے کابینہ کمیٹی برائے لیجسلیٹو کیسز کی 29 اپریل 2026 کو ہوئے اجلاس میں لئے گئے فیصلوں کی منظوری دے دی۔ کابینہ نے ہدایت کی کہ ٹوبیکو مارکیٹنگ کنٹرول رولز 2016 میں ترمیم کے حوالے سے اقتصادی رابطہ کمیٹی کی رائے لی جائے۔