آزاد کشمیر: شرپسندوں کی فائرنگ سے ایف سی جوان شہید، رینجرز اہلکار زخمی

آزاد جموں و کشمیر کے ضلع باغ میں چھترہ ٹوپی روڈ پر قائم کوپرہ پولیس چوکی اور تراڑکھل ایکسز پر مسلح شرپسندوں اور فسادی جتھے کی اندھا دھند فائرنگ کے نتیجے میں فرنٹیئر کانسٹیبلری (ایف سی) کا ایک جوان شہید جبکہ پاکستان رینجرز کا ایک اہلکار شدید زخمی ہو گیا۔ آزاد جموں و کشمیر پولیس کے ترجمان کے مطابق سیکیورٹی اہلکاروں نے فوری اور جرات مندانہ جوابی کارروائی کرتے ہوئے ایک حملہ آور کو موقع پر ہی ہلاک کر دیا، جبکہ باقی فرار ہونے والے ملزمان کی تلاش جاری ہے۔