وفاقی تعلیمی بورڈ کا انٹرمیڈیٹ پارٹ ون اور ٹو کے سالانہ نتائج کا اعلان
Web Desk
9 September 2026
فیڈرل بورڈ آف انٹرمیڈیٹ اینڈ سیکنڈری ایجوکیشن (FBISE) اسلام آباد نے انٹرمیڈیٹ (ایچ ایس ایس سی) پارٹ ون اور پارٹ ٹو کے سالانہ امتحانات 2026 کے نتائج کا باضابطہ اعلان کر دیا ہے۔ فیڈرل بورڈ کے جاری کردہ اعداد و شمار کے مطابق بارہویں جماعت (پارٹ ٹو) میں مجموعی طور پر کامیابی کا تناسب 85.95 فیصد رہا، جبکہ گیارہویں جماعت (پارٹ ون) کے امتحانات میں کامیاب ہونے والے طلباء کا تناسب 65.31 فیصد ریکارڈ کیا گیا۔ رزلٹ کی تقریب کے دوران نمایاں پوزیشنز حاصل کرنے والے ہونہار طلباء کے ناموں کا بھی اعلان کیا گیا۔
نتائج کی تفصیلا ت کے مطابق، پری میڈیکل گروپ میں آرمی پبلک اسکول کی طالبہ عمارہ اظہر نے 1079 نمبر حاصل کر کے بورڈ بھر میں پہلی پوزیشن اپنے نام کی، جبکہ پنجاب کالج کے محمد جہانزیب 1078 نمبرز کے ساتھ دوسرے اور سیدہ ایمان فاطمہ 1076 نمبر لے کر تیسرے نمبر پر رہیں۔ پری انجینئرنگ گروپ میں ایمان ارجمند نے 1075 نمبر لے کر پہلی، زینب سمیع نے 1070 نمبر سے دوسری اور عنزہ فاطمہ نے 1068 نمبر حاصل کر کے تیسری پوزیشن حاصل کی۔ سائنس جنرل گروپ میں پنجاب کالج کے عبداللہ اظہر 1063 نمبروں کے ساتھ پہلے جبکہ ہادیہ ذکریہ 1056 نمبر لے کر تیسرے مقام پر رہیں۔ اس کے علاوہ کامرس گروپ میں پنجاب کالج ہی کی آمنہ آصف نے 1046 نمبر حاصل کر کے تیسری پوزیشن اپنے نام کی۔
متعلقہ عنوانات
ایران امریکا تنازع کا حل دھمکیوں اور فوجی کارروائیوں میں نہیں: عباس عراقچی
16 November 2026
جے شاہ دوسری مدت کیلئے بلامقابلہ آئی سی سی چیئرمین منتخب
16 November 2026
تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک
16 November 2026
کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار
16 November 2026
آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی
16 November 2026
13 سالہ لڑکی کا تشدد سے قتل کیس: پولیس افسر کی اہلیہ اور قاری کا جسمانی ریمانڈ منظور
16 November 2026
توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم
16 November 2026
امیر تبلیغی جماعت حضرت مولانا نذرالرحمٰن انتقال کر گئے
16 November 2026