الیکشن کمیشن میں بڑے پیمانے پر ترقیاں و تقرریاں، تبادلے

الیکشن کمیشن آف پاکستان (ECP) نے اعلیٰ افسران کی ترقیاں، تقرریاں اور بڑے پیمانے پر تبادلوں کے باقاعدہ نوٹیفکیشنز جاری کر دیے ہیں۔ جاری کردہ نوٹیفکیشن کے مطابق الیکشن کمیشن کے چار سینئر افسران—فیصل حکیم، عبداللہ، خورشید عالم اور نذر عباس—کو گریڈ 19 سے گریڈ 20 میں ترقی دے دی گئی ہے۔

ترقی پانے والے افسران میں سے فیصل حکیم کو ایڈیشنل ڈائریکٹر جنرل (ADG) الیکشنز ٹو، عبداللہ کو جوائنٹ صوبائی الیکشن کمشنر بلوچستان، اور نذر عباس کو ایڈیشنل ڈائریکٹر جنرل الیکٹورل رولز کے عہدوں پر تعینات کیا گیا ہے۔ الیکشن کمیشن کے ترجمان کے مطابق وسیم جعفری کو جوائنٹ صوبائی الیکشن کمشنر بلوچستان کے عہدے سے تبدیل کر کے سندھ میں تعینات کر دیا گیا ہے۔ اس کے علاوہ الیکشن کمیشن نے ملک بھر میں متعدد ضلعی افسران (District Election Officers) کے بھی فوری تقرر و تبادلوں کے احکامات جاری کیے ہیں۔