“ہم پر کوئی حکم نہیں چلے گا، وطن کے دفاع کے لیے تیار ہیں”: کیوبا کے صدر کا ٹرمپ کے بیان پر در عمل

کیوبا کے صدر میگوئیل ڈیاز کینیل نے امریکی صدر ڈونلڈ ٹرمپ کے کیوبا سے متعلق بیان پر ردعمل ظاہر کرتے ہوئے کہا کہ کیوبا ایک خودمختار ملک ہے اور اسے کوئی یہ نہیں بتا سکتا کہ کیا کرنا ہے۔

صدر کینیل نے کہا کہ کیوبا نے کبھی حملہ نہیں کیا، بلکہ گزشتہ 66 سال سے امریکی جارحیت کا سامنا کر رہا ہے۔ انہوں نے واضح کیا کہ کیوبا دھمکیاں نہیں دیتا لیکن ملک کے دفاع کے لیے ہر وقت تیار ہے۔

انہوں نے کہا کہ کیوبا کی معاشی مشکلات 60 سال سے جاری امریکی پابندیوں کی وجہ سے ہیں اور امریکہ اب انہی پابندیوں کو مزید سخت کرنے کی دھمکی دے رہا ہے۔

کیوبا کے وزیر خارجہ برونو روڈریگز نے کہا کہ کیوبا نے دی گئی سیکیورٹی خدمات کا کبھی معاوضہ نہیں لیا اور امریکی بلیک میلنگ یا فوجی جبر کے سامنے نہیں جھکے گا۔ انہوں نے کہا کہ کیوبا کسی بھی ایندھن برآمد کرنے والے ملک سے ایندھن خریدنے کا حق رکھتا ہے اور امریکی رویہ عالمی امن کے لیے خطرہ ہے۔